هلووووووووو يا احلى بنات شخباركم

يبت لكم درس حلو وسهل

يلا نبتدي

الماركات المستخدمة

الأساس والباودر وقلم الحواجب بودي شوب
الأظلال من بافيرا
الماسكارا والايلاينر من لانكوم
او
الماكياج المخملي ماركة كلاسيك او تراي مي
الاساس من ماكس فاكتور وقلم الحواجب من نيفيا او بودي شوب
الماسكرا من فلورمار او مايبيلين والايلاينر من ماركة لوريل او مكياجي
على حسب ماستخدمته وطلع بنفس النتيجة



عقب مانجهز الويه بالفاونديشن ونثبت الفاونديشن بالبودره المضغوطة
نحط الكونسيلر من فوق وتحت العين وندمجه بالصبع او الاسفنجه والاثنين يعطون نفس
النتجيه ....نحط الاضاءة البيج او اللون الابيض تحت الحاجب ونوزعها بالفرشاة
بعدين على عظمة الجفن نحط اللون الوردي ونوزعه مثل ما مبين في الصورة
((ممكن نغير الالوان بدل الوردي يكون بني فاتح او تركواز او رصاصي))
بعدين ناخذ فرشاة مبلله بشوي ماي وناخذ اللون الاسود الغامج ونحطة على الجفن
المتحرك بهذي الطريقه ونمده شوي لي برع
الحين ندمج وهذي خطوة مهمه لازم ندمج اللون الفاتح على الغامج ولا
بيتخترب المكياج وندمج بالفرش الخاصة بالدمج
طبعا ندمج بهذي الطريقه عشان اتداخل الالوان مع بعضها بشكل حلو ومرتب
مثل ما مبين في الصورة

الحين نرسم الايلاينر السائل من فوق العين بشكل عريض
ومن تحت العين بهذي الطريقه وبعدين نحط الكحل القلم
داخل العين
((نقدر نستبدل الكحل السائل بالكحل الكيك او الستيك
بس في الصيف يفضل استخدام الكحل السائل العادي
لان الكحل الستيك ايسيح اما الكحل الكيك عادي يكون استخدامه))
الحين نرسم الحواجب ونحط الماسكرا
في خطوة نقدر نضيفها حسب الرغبه ((نحط لمعه على اللون الاسود وتكون رصاصيه
مثل ما مبين في الصور او نحط لمعه تحت الحواجب بشكل خفيف تضفي لمسه حلوة))
او
نقدر انغير في الماكياج شوي ويصير بهذي الشكل
((نخفي جزء من الحواجب ابعجينه الحواجب او الواكس))

انشالله عجبكم الدرس
وشرحي كان واضح وسهل

للامااااااااااااااااااااااااااااااااااااانه
الدرس من شرحي الخاص مع بعض الاضافات

هذي درس رقم ((2))

اول شي نبتدي بتنظيف البشرة بقطعة قطن وبالمنظف الخاص وهو عبارة عن لوشن أو تونك يزيل
الشوائب من الويه

نستخد الـ"Pan stick" بدرجة غامقة شوي,
نوزع الكريم على منابت الشعر والذقن والجبهة ويوزع بشكل متساوي بالإسفنجة الخاصة
تغطي كل البشرة..
وكل ما ننزل لتحت نفتح شوي لون كريم الأساس أو الـ"Pan stick" المستخدم,
الدرجة الغامقة على أطراف الوجه وتفتيح كريم الأساس يكون حوالين العين والشفايف
والتفتيح يكون بإضافة درجة أفتح أو ترطيب الاسفنجة .وتوزيع الـFoundation على الرقبة مهم جداً ومانهملها
عشان يصير توازن ومايبين الماكياج كنه قناع وطبعا يكون بنفس درجة أطرف الوبه .
تحت العين نستعمل كريم أساس فاتح جداً عشان نغطي الهالات السوداء
وتعطي شكل حلو خاصة بعد ما نحط بودرة على الـ"Pan stick"..
هذي طريقة سهلة، يعني مو محتاجة تكونين خبيرة تجميل عشان تحطين المكياج هذي ..
تحت العين هي أول منطقة نحط عليها البودرة وبعدها باقي الوجه،
ونستخدم فرشاة "الروجاجو" الكبيرة عشان نزيل البودرة الزيادة من الوجه او الشادو
اللي تناثر تحت العين

بعدين نحط بودرة فاتحة جداً وفيها لمعه تحت العين وهذي اطلع الـ"eye shadow"
الغامق فوق العين بشكل حلو. وبعد ماحطينا البودرة نمشط الحواجب
بفرشاة الحوجب عشان نشيل البودرة الزايده من عليهم.
الحين طبعا حسب لون الثياب نختار الألوان، لو الفستان تركواز والبنت عيونها فاتحة نستخدم اللون
التركواز داخل العين وباللون الأسود نحدد العين من برع
ومن منبت الرموش نرسم خط باللون الأسود ونحدد شكلها بحيث ما يكون
فيه مساحة فاضية بين الرمش وبين الجفن .
وعشان نسوي الـ"smoky eye" نحط بالفرشاة الصغيرة الـ"eye shadow"
الأسود على الخطاللي سويناه بقلم الكحل بعدين ندمج الكحل ونعرضه مع الـ"eye shadow"
فوق العين وبنفس الطريقة حق العين الثانية مثل مامبين في الصورة
وبنفس لون الفستان نحط eye shadow في كسرة العين بطريقة الـBanana.((يعني بشكل مقوس)).
وطبعا استخدمت هني الموديل اللون التركوازي عشان الفستان بيكون لونه تركواز
ونستخدم في الحركة هذي فرشاة مدوره.. وبفرشاة أكبر شوي نوزع اللون في منطقة
الجفن من فوق عشان مايكون فيه فرق بين اللونين، ويكون بشكل مرتب وحلو..
وهي هذي الـ"smoky eye .الحين نحط الماسكرا ونشد الجفن ونحطها عكس الرموش
.. ونقدر بعد نستخدم رموش صناعية وهي سهلة وايد طريقتها.. نحط الصمغ الخاص اللي يكون في علبة الرموش في أول طرف وفي الطرف الثاني ونكثر عند الاطراف الصمغ عشان تثبت الرموش..
وبعدين عقب مايجف شوي الصمغ وتثب الرموش نحط ماسكرا، وعشان تكون الرموش شكلها طبيعي ومتداخله مع بعض نحط الماسكرا بشكل جيد((يعني نزيد شوي في الماسكرا))
تحت العين نحط "eye shadow" ونغمج اللون من عند الاطراف وكل
ما ندخل على داخل العين نفتح الشادو شوي شوي نفس مامبين في الصورة
الحين دور الـ"eye shadow" الفضي تحت العين ومن بداية
العين في الزاويه ((مدمع العين)) نحط اللون الفضي.
نرسم الحواجب بالقلم البني.. حتى لو البنت حواجبها سوده لازم نستخدم القلم البني .
وبعدين نفتح تحت الحاجب بالـ"eye shadow" الأبيض الفاتح ويكون فيه لمعه شوي,
عشان يطلع الشادو بشكل احلى
خلصنا العين والحين دور البلشر "Blusher" ونختاره بدرجة مناسبة
لتدريجات ألوان العين... اللون المناسب طبعا بيكون الروز ((الوردي))
نحدد الشفايف باللون الفاتح ولان العين غامقة فالروج من
الأفضل يكون وردي ونحطه بالفرشاة الخاصة بالروج. والحين بعد طالعه موضة الـ"glitters"
على الشفايف التحتيه بس بيكون طبعا شكلها حلو وتنفع حق الاعراس
نحط "glitters" تحت الحواجب
انشالله عجبكم!!!!!!!!!

هذي درس المفتوح
طبعا نقلت الصور وراح اشرحها لكم
حسب طريقتي اللي طبقت عليها هذي المكياج
والشادو يكون المخملي التراي مي او الكلاسيك
اللي ينباع في كل مكان وتقدرون تغيروون الالوان على حسب لون الثياب
اول شي مثل ماعودتكم ان نجهز الويه بالفاونديشن وعقب نثبته بالبودرة المضغوطة
ونحط الكونسيلر من فوق وتحت العين ونوزعه بالاصبع او الاسفنجة
بعدين نرسم الكحل بهذي الطريقه
بعدين نحط اللون البني بشكل مايل مثل مامبين في الصورة
وعقب اللون الوردي الفاااااااااااااتح
بعدين اللون الذهبي او البيج او الفضي
الحين نرسم الحواجب ونحط الكحل الاسود داخل العين ونرد نرسم الكحل مره ثانية
من فوق وتحت
نحط الماسكرا ونحط اللون الفاتح في الفتحات ونركب الرموش ونحط الكرستاله
اتمنى عجبكم الدرس وكان سهل وواضح .........ويمدحون التقييم عندكم....لاتنسوووووووووونه....
__________________